Noong April 30, 2009, dumalaw sa Mulanay ang founders ng Mulanay USA Foundation,
Inc. na sila Edwin Luna, tubong Mulanayat ang Amerikanang si Nancy Holsapple, pareho silang naninirahan
sa Chicago Illinois. Pinuntahanang mga proyektong ginagawa nila ng Bondoc Agricultural & Natural Developments
Foundation, Inc.(BANDSFI). Sa kasalukuyan ay patuloy pa rin ang kanilang Scholarship Program sa PUP Mulanay, ganoon din ang
Off-Season Vegetable Production na nasa pangalawang taon na.
Ayon sa mga magsasaka malaking pagbabago sa kanilang ani ang naibigay ng makabagong programang
ito ng pagsasaka. Dahil sa dumadami na ang mga magsasakang kasama sa programang ito, lumalaki na rin ang ani o supply
kaya naman ipinapangako ng Mulanay USA Foundation na pagaaralan nila at bibigyan pansin ang distribution o pagbabagsakan
ng kanilang ani. Ang pangarap ng Mulanay USA Foundation ay matulungan ang lahat ng magsasaka sa Mulanay upang mapagyaman ang
mga lupain at matupad ang kanilang mga pangarap na mabigyan ng magandang kinabukasan ang kanilang pamilya. Hinihikayat
ang lahat ng mga Mulanayin sa iba't-ibang sulok ng mundo na sana'y tulungan nilang pagyamanin ang kanilang mga lupain
upang pagbalik nila sa kanilang munting paraiso , merong aanihin.
Ngayong simula ng pasukan 2009, tinanggap ng Mulanay USA Foundation ang bagong proyekto
sa koordinasyon ng BANDSFI ang programang inilahad ng Bondoc Peninsula Agricultural High School (BPAHS). Ito ay ang Food Processing
Project; Flowering and Ornamental Project; Hog Fattening at 100 Heads of Broiler. Ang mga proyektong ito ay
malaking tulong sa mga estudyante ng BPAHS dahil karamihan samga batang ito ay hindi makapagpapatuloy
ng kolehiyo.
Nagpapasalamat ang
Mulanay USA Foundation sa lahat ng mga Mulanayin at mga kaibigan sa buong mundo sa mga ibinibigay nilang tulong upang maging
matagumpay ang mga proyekto sa Mulanay.
